© 2000-2020 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
         
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
30.9.2007 | 19:03 | oddur
Keflavík og Snæfell Powerademeistarar
Keflavík og Snæfell urðu í dag Powerademeistarar. Keflavík vann titilinn í kvennaflokki eftir sigur á Haukum og Snæfell sigraði KR í úrslitaleik karla.

Báðir leikirnir voru miklir baráttuleikir sem áhugavert var að fylgjast með. Keflavík vann 95-80 sigur á Haukum og Snæfell sigraði KR 72-65.

Haukar byrjuðu betur í úrslitaleik kvenna. Þær náðu ágætri forystu í fyrsta leikhluta og virtust harðákveðnar í að verja titilinn síðan í fyrra. Keflavík komst þó aftur inn í leikinn með frábærum leik í öðrum leikhluta og leiddu í hálfleik með 4 stigum.

Keflavík var svo sterkara liðið í síðari hálfleik og náði að tryggja sér nokkuð öruggan sigur. Haukaliðið varð fyrir áfalli þegar Kiera Hardy meiddist á ökkla í byrjun síðari hálfleiks. Keflavíkurstúlkur bættu leik sinn stöðugt eftir slæma byrjun og unnu kærkominn sigur.

TaKesha Watson átti frábæran leik fyrir Keflavík. Hún skoraði 36 stig, sendi 7 stoðsendingar og stal 6 boltum í leiknum. Bryndís Guðmundsdóttir skoraði 15 stig og tók 10 fráköst og Pálína Gunnlaugsdóttir skoraði 10 stig og sendi 6 stoðsendingar. Hjá Haukum var Kristrún Sigurjónsdóttir með 18 stig, 8 fráköst og 6 stoðsendingar, Telma Fjalarsdóttir skoraði 18 stig og tók 16 fráköst og Kiera Hardy skoraði 15 stig á 17 mínútum.


(Sigurlið Keflavíkur, myndina tók Jón Björn Ólafsson)

Úrslitaleikurinn hjá körlunum var jafn og spennandi. Snæfell byrjaði vel og náði góðri forystu í fyrri hálfleik. Íslandsmeistarar KR gáfust þó ekki upp og náðu að vinna sig aftur inn í leikinn. Bæði lið léku góða vörn og stigaskorið var því lágt framan af.

Leikurinn var í járnum fram á lokamínúturnar. Helgi Magnússon var heitur fyrir KR og hitti vel fyrir utan þriggja stiga línuna. Snæfell náði þó alltaf að svara og kom Atli Hreinsson með mikilvægar körfur fyrir þá í fjórða leikhluta.

Undir lok leiks fékk Fannar Ólafsson á sig villu eftir baráttu undir körfu Snæfells. Fannar var ekki sáttur við dóminn og fékk dæmda á sig tæknivillu í kjölfarið. Snæfell fékk því fjögur vítaskot sem þeir nýttu öll og náðu þar með að auka muninn töluvert. Snæfell náði svo að landa sigrinum þrátt fyrir stífa pressuvörn KR-inga á lokasprettinum.


(Sigurlið Snæfells, myndina tók Stefán Borgþórsson)

Jón Ólafur Jónsson var stigahæstur hjá Snæfelli. Hann skoraði 23 stig á 27 mínútum. Hlynur Bæringsson, fyrirliði liðsins, skoraði 15 stig og tók 13 fráköst í leiknum og Justin Shouse skoraði 11 stig, sendi 9 stoðsendingar og stal 5 boltum í leiknum.

Hjá KR var Helgi Már Magnússon sterkastur. Hann skoraði 23 stig á 25 mínútum, hitti úr 5 af 8 þriggja stiga skotum sínum og stal 4 boltum í leiknum. Joshua Helm skoraði 17 stig og tók 7 fráköst en hann hitti aðeins úr 4 af 12 vítaskotum sínum í leiknum.

Mótayfirlit
Mótayfirlit allra flokka
Helga Þorvaldsdóttir KR lék sinn 50. landsleik gegn Englandi í Smáranum í Kópavogi 21. maí 2005 og fékk við það tækifæri afhent gullúr og blómvönd frá KKÍ.
DómarahorniðLeiðararTölfræðiSaganViðtalið