KR-ingar eru komnir í úrslit Powerade bikarkeppninnar eftir að hafa unnið sigur á liði Skallagríms 95-70.

Leikurinn var jafn framan af en KR leiddi með 9 stigum í hálfleik. Í síðari hálfleik stungu KR-ingar svo af. Þeir léku góða vel bæði í vörn og sókn og juku muninn jafnt og þétt.

Skallagrímur sýndi góða baráttu í leiknum en breidd KR var mun meiri og munurinn jókst þegar lykilmenn Skallagríms fóru að þreytast.

Joshua Helm lék vel fyrir KR. Hann var illviðráðanlegur undir körfunni, skoraði 21 stig, tók 10 fráköst og stal 3 boltum. Fannar Ólafsson skoraði 15 stig og tók 11 fráköst, Darri Hilmarsson skoraði 16 stig og Jovan Zdravevski skoraði 15.

Hjá Skallagrím var Darrell Flake atkvæðamestur með 17 stig, 9 fráköst, 3 varin skot og 3 stolna bolta. Milojica Zekovic skoraði 15 stig og Hafþór Ingi Gunnarsson skoraði 12.