Greifa og Kaupþingsmótið var haldið um síðustu helgi á Akureyri. 8 lið tóku þátt í mótinu og það var lið Skallagríms sem stóð uppi sem sigurvegari.

Skallagrímur sigraði lið Snæfells í úrslitaleik mótsins 74-70. Snæfell varð því í öðru sæti og lið KR í því þriðja.

Alexander Dungal, leikmaður Vals, var stighæstur á mótinu með 24,75 stig að meðaltali í leik. Justin Shouse, leikmaður Snæfells var næstur honum með 23,5 stig að meðaltali. Sigurlið Skallagríms skoraði flest stigin að meðaltali en þeir fengu líka flest stig á sig.

Hægt er að lesa meira um leikina á heimasíðu Þórs. Þar er einnig búið að taka saman helstu tölfræðiþættina á mótinu.