© 2000-2020 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
14.9.2007 | 21:46 | oddur
Litháen og Grikkland komust áfram
Theodoras Papaloukas skoraði sigurkörfuna fyrir Grikki
Nú er leikjum dagsins lokið á Evrópumótinu í körfubolta. Litháen og Grikkland unnu sína leiki og komust áfram í fjögurra liða úrslit.

Litháen vann Króatíu og Grikkland lagði Slóveníu. Báðir leikirnir voru æsispennandi og réðust úrslitin ekki fyrr en á lokasprettinum.

Zoran Planinic, leikmaður Króatíu, brenndi af tveimur vítaskotum þegar 1,02 sekúndur voru eftir af leiknum og Litháar náðu þar með að landa sigri 74-72 Litháar eru eina liðið í keppninni sem hefur ekki tapað leik og ættu því að fara fullir sjálfstraust í undanúrslitin.

Linaz Kleiza var með 19 stig og tók 9 fráköst í leiknum og Darius Songalia skoraði 20 stig og tók 7 fráköst. Hjá Króatíu var Zoran Planinic atkvæðamestur þrátt fyrir að klikka á vítunum í lokin. Hann skoraði 16 stig, sendi 5 stoðsendingar og stal 7 boltum í leiknum.

Viðureign Grikklands og Slóveníu var ekki síður spennandi. Slóvenía var með 14 stiga forystu í byrjun fjórða leikhluta og þegar 2 mínútur voru eftir voru þeir með 8 stiga forystu og sigurinn virtist innan seilingar.

Grikkir gáfust þó ekki upp og léku frábærlega í lokin. Theodoras Papalokas skoraði 7 stig á lokakaflanum og tryggði Grikkjum eins stigs sigur 62-63. Papaloukas skoraði 17 stig í leiknum og tók 5 fráköst. Radoslav Nesterovic var stigahæstur Slóvena með 16 stig og 11 fráköst.

Mikil stemning er á Evrópumótinu sem er einn af stærstu íþróttaviðburðum þessa árs. Aðdáendur fagna á götunum fram eftir nóttu og á leikjunum er gífurlega góð stemning. Í Madrid eru mikill fjöldi fólks, víðs vegar úr heiminum, sem er komið til að fylgjast með keppninni.

Hannes Sigurbjörn Jónsson, formaður KKÍ og Friðrik Ingi Rúnarsson, framkvæmdastjóri KKÍ eru í Madrid að fylgjast með mótinu. Einnig eru í Madrid 15 íslenskir dómarar ásamt tveimur fyrrverandi FIBA dómurum.
Mótayfirlit
Mótayfirlit allra flokka
Frá Smáþjóðaleikunum á Möltu 1993.  Guðmundur Bragason í leik gegn Luxedmbourg.
DómarahorniðLeiðararTölfræðiSaganViðtalið