Rússar og Spánverjar komust í gær í undanúrslit Evrópukeppninnar í körfuknattleik sem fer fram á Spáni. Rússar sigruðu Frakka og Spánverjar unnu Þjóðverja.

Leikur Spánar og Þýskalands var ekki mjög spennandi. Spánverjar léku mjög vel, unnu alla leikhlutana fjóra og sigruðu sannfærandi 83-55. Jose Calderon lék vel fyrir Spánverja en hann var með 17 stig í leiknum.

Leikur Frakklands og Rússlands var mun jafnari. Úrslitin réðust ekki fyrr en á lokakaflanum þegar liðin skiptust á því að fara á vítalínuna. Bæði lið voru með lélega vítanýtingu í leiknum en Rússar voru þó aðeins betri og enduðu sem sigurvegarar í leiknum. Lokatölur leiksins voru 75-71 fyrir Rússland.

Victor Khryapa lék vel fyrir Rússa en hann skoraði 17 stig, tók 7 fráköst og sendi 6 stoðsendingar í leiknum.

Í dag lýkur átta liða úrslitunum. Fyrst mætast Lithén og Króatía og seinni leikirinn er á milli Grikklands og Slóveníu.