Átta liða úrslit hefjast í dag á Evrópumótinu sem fer fram á Spáni. Riðlakeppninni lauk í gær og það voru Litháar og Spánverjar sem sigruðu í sínum riðlum.

Litháar eru eina liðið sem ekki hefur tapað leik í keppninni. Þeir unnu í gær lið Slóveníu sem einnig var taplaust fyrir leikinn. Litháar náðu góðri forystu í seinni hálfleik og fóru með sigur af hólmi. Lokatölur leiksins voru 80-61. Ramunas Siskauskas var stigahæstur Litháa í leiknum með 21 stig.

Þjóðverjar tryggðu sér sæti í 8 liða úrslitunum með því að sigra Ítali í hreinum úrslitaleik um 4. sætið í F-riðli. Ítalir lögðu mikla áherslu á að stoppa Dirk Nowitzki og héldu honum í 15 stigum en Johannes Herber kom mjög sterkur inn í þriðja leikhluta og skoraði 10 af 15 stigum sínum. Lokatölur leiksins urðu 67-58. Marco Belinelli var stigahæstur hjá Ítalíu með 25 stig.

Boris Diaw átti góðan leik fyrir Frakkland gegn Tyrklandi í gær. Leikurinn breytti engu um stöðu liðanna í riðlunum og endaði með sigri Frakka 85-64.

Í verða tveir leikir í átta liða úrslitunum. Rússar sem urðu í öðru sæti í E-riðli mæta Frökkum sem enduðu í þriðja sæti F-riðils. Sigurvegararnir úr E-riðlinum, Spánverjar, mæta svo Þjóðverjum sem voru í fjórða sæti F-riðilsins.