© 2000-2020 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
         
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
6.9.2007 | 8:24 | OOJ
Jakob fékk 34 í framlagseinkunn fyrir leikinn í gær
Jakob Örn Sigurðsson átti stórleik í gær. Mynd: Karfan.is
Jakob Örn Sigurðarson átti stórleik í gærkvöldi í 91-77 sigri íslenska karlalandsliðsins á Austurríki í lokaleik liðsins í b-deild Evrópukeppninnar. Jakob endaði leikinn með 21 stig, 10 stoðsendingar og 7 fráköst, hann hitti úr 58% skota sinna og tapaði ekki einum einasta bolta á þeim 35 mínútum og 47 sekúndum sem hann spilaði í leiknum.

Jakob náði með þessarri frábæru frammistöðu framlagseinkunn upp á 34 sem er besta frammstaða íslensks leikmanns í öllum átta leikjum íslenska liðsins í b-deildinni. Bestu frammistöðuna fyrir leikinn í gær átti Hlynur Bæringsson strax í fyrsta leiknum á móti Finnum 6. september 2006 en hann fékk þá 27 framlagsstig fyrir 13 stig, 15 fráköst, 4 stoðsendingar, 2 stolna bolta og 2 varin skot. Þriðji á listanum er síðan Brenton Birmingham sem fékk 25 stig í sigurleik á móti Lúxemborg 13. september 2006 en hann var þá með 24 stig, 3 fráköst, 3 stoðsendingar og 64% skotnýtingu.

Jakob náði í gær einnig besta árangri íslensks leikmanns í b-deildinni með því að skora fimm þriggja stiga körfur og gefa 10 stoðsendingar. Jakob var einn fjögurra leikmanna sem hafði skorað fjóra þrista í einum leik og átta stoðsendingar hans gegn Lúxemborg 13.september 2006 var það mesta sem íslenskur leikmaður hafði náð í einum leik fyrir leikinn á móti Austurríki í gærkvöldi.

Tölfræði Jakobs eftir leikhlutum gegn Austurríki í gær:

1. leikhluti - 7 stig, 3 fráköst, 0 stoðsendingar, hitti úr 3 af 4 skotum (1 af 2 í 3ja)

2. leikhluti - 5 stig, 3 fráköst, 3 stoðsendingar, hitti úr 1 af 4 skotum (1 af 2 í 3ja)

3. leikhluti - 6 stig, 1 fráköst, 2 stoðsendingar, hitti úr 2 af 2 skotum (2 af 2 í 3ja)

4. leikhluti - 3 stig, 0 fráköst, 5 stoðsendingar, hitti úr 1 af 2 skotum (1 af 2 í 3ja)

Þetta var einnig í fyrsta sinn sem Jakob brýtur tuttugu stiga múrinn í landsleik en hann hafði mest áður skorað 19 stig í tvígang, í vináttulandsleik gegn Ungverjum í Szombathely 29.ágúst 2004 og gegn Dönum á Norðurlandamótinu í Tampere 5. ágúst 2006.
Mótayfirlit
Mótayfirlit allra flokka
Þátttakendur í kynningarleik á hjólastólakörfubolta. Sitjandi frá vinstri: Reynir Kristófersson, Viðar Árnason, Svanur Ingvarsson, Jóhann Kristjánsson, Sigurður Sigurðsson, Þorkell Sigurlaugsson og Geir Magnússon frá Stöð 2. Standandi frá vinstri: Skapti Hallgrímsson Morgunblaðinu, Adolf Ingi Erlingsson RÚV, Valur Jónatansson Morgunblaðinu, John Rhodes, Ólafur Rafnsson formaður KKÍ, Samúel Örn Erlingsson RÚV, Valtýr Björn Valtýsson Stöð 2, Ólafur Eiríksson og Valur Hlíðberg.
DómarahorniðLeiðararTölfræðiSaganViðtalið