© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
31.8.2007 | 22:10 | OOJ
Hverjar verða aðalkonur Hollendinga á Ásvöllum í dag?
Hollendingar mæta með sterkt lið til leiks.
Ísland mætir Hollandi á Ásvöllum í dag í fyrsta leik haustsins í b-deild Evrópukeppninnar. Holland hefur unnið alla leiki sína í keppninni og þar á meðal 66-61 sigur á íslenska liðinu í fyrri leik þjóðanna í Rotterdam. Hollenska liðið er byggt upp á leikmönnum sem spila í hollensku deildinni en í liðinu er einn leikmaður sem spilar utan Hollands. Miðherjinn Marlous Nieuwveen, sem á að baki langan feril, var eitt sumar í WNBA og hefur spilað sem atvinnumaður í sex löndum Evrópu, Asíu og Ameríku.

Stærsta stjarna liðsins er eins og áður sagði miðherjinn Marlous Nieuwveen sem á að baki góðan háskólaferil í Bandaríkjunum með Valparaiso-háskólanum, lék eitt sumar með Los Angeles Sparks í WNBA-deildinni og hefur tvö síðustu ár staðið sig vel í ítölsku deildinni sem er ein sú besta í Evrópu. Nieuwveen hefur mjög mikla reynslu því á sínum ferli hefur hún spilað í Suður-Kóreu, Ungverjalandi, Frakkalandi, Spáni og svo núna á Ítalíu. Nieuwveen var sú fyrsta í sínum skóla sem fór alla leið í WNBA en á fjórum árum með Valparaiso var hún með 10,4 stig og 5,6 fráköst að meðaltali í 117 leikjum.

Nieuwveen lék með Phard Napoli í Euroleague tímabilið 2005-2006 og var þá með 8,7 stig og 5,4 fráköst að meðaltali í leik. Hún lék með spænska liðinu CajaCanarias í FIBA Europe Cup 2004-2005 (12,4 stig og 6,9 fráköst), með ungverska liðinu DKSK Miskolc í FIBA Europe Cup 2003-2004 (16,0 stig, 3,0 fráköst og 3,0 stoðsendingar) og með ítalska liðinu Delta Basket Alessandria í FIBA Europe Cup 2002-2003 (7,3 stig og 4,2 fráköst).

Laura Kooij var stigahæsti leikmaður hollenska liðsins í þremur leikjum keppninnar á síðasta ári þegar hún skoraði 15,3 stig að meðaltali í leik. Laura var mjög góð í leiknum gegn Íslandi þar sem að hún skoraði 19 stig og setti niður fjóra þrista. Hún hefur leikið síðustu tvö ár með Renes Binnenland þangað sem hún fór eftir að hafa spilað með Besiktas í tyrknesku deildinni tímabilið 2004-2005.

Kooij spilaði einnig í þrjá vetur með George Mason skólanum í bandaríska háskólaboltanum. Kooij var með 12,2 stig og 41% þriggja stiga skotnýtingu síðasta árið sitt í skólanum. Yngri systir hennar, Leonie Kooj sem er fjórum árum yngri og fjórum sentimetrum stærri meiddist í æfingaleik liðsins á dögunum og verður ekki með. Hún var með 12,3 stig og 8,3 fráköst að meðaltali í leik í keppninni í fyrrahaust.

Hér á eftir fer yfirlit yfir Marlous Nieuwveen, Lauru Kooij sem og fjóra aðra sterka leikmenn hollenska landsliðsins sem munu spila við íslenska landsliðið á Ásvöllum í dag. Liðið vantar bæði Leonie Kooj (187 sm og 21 árs framherja) og Naomi Halman (190 sm og 21 árs miðherji) sem eru tvær efnilegustu körfuboltakonur Hollendinga en þær eru báðar meiddar, Leonie á hné en Naomi í baki.


Stjörnur Hollendinga á Ásvöllum í dag



Marlous Nieuwveen
27 ára og 195 sm miðherji
Leikmaður með Virtus Viterbo á Ítalíu
Hefur leikið með Phard Napoli og Alessandria á Ítalíu, LA Sparks í WNBA, CajaCanarias á Spáni og Tarbes GB í Frakklandi.

Tölur hennar úr Evrópukeppninni til þessa:
Lék ekki með landsliðinu síðasta haust

Fyrri leikur gegn Íslandi
Var ekki með

Fróðleikur
Hefur staðið sig vel á Ítalíu síðustu tvö tímabil, var með 9,3 stig og 7,8 fráköst á 26,3 mínútum með Virtus Viterbo í á síðasta tímabili og 9,3 stig og 7,0 fráköst á 24,0 mínútum með Phard Napoli tímabilið á undan. Lék 7 leiki með Los Angeles Sparks í WNBA-deildinni sumarið 2005.



Laura Kooij
25 ára og 183 sm skotbakvörður
Leikmaður með Den Helder í Hollandi
Hefur leikið með Rennes Binnenland í Hollandi og Besiktas í Tyrklandi.

Tölur hennar úr Evrópukeppninni til þessa:
Mínútur - 30,0
Stig - 15,3
Fráköst - 3,3
Stoðsendingar - 2,3
3ja stiga nýting - 30,8% (26/8)

Fyrri leikur gegn Íslandi
19 stig, 6 fráköst og 2 stolnir á 34 mínútum. Hitti úr 6 af 18 skotum (12/4 í 3ja) og úr 3 af 5 vítum.

Fróðleikur
Laura Kooij er 5. sæti yfir flestar þriggja stiga körfur fyrir George Mason skólann þrátt fyrir að spila aðeins þrjá vetur. Hún skoraði 142 þrista í 384 skotum sem gerir 37% nýtingu. Kooij er einnig í 29. sæti yfir flest stig með 665 í 63 leikjum eða 10,6 að meðaltali. Kooij setti líka skólamet í bæði flestum þriggja stiga körfum í einum leik (7) sem og á einu tímabili (80 í 29 leikjum 2003-04).




Tanya Bröring
23 ára og 177 sm bakvörður
Var leikmaður með ProBuild Lions Landslake í Hollandi en er að leita sér að nýju liði.
Hefur leikið með BV Lely í Hollandi.

Tölur hennar úr Evrópukeppninni til þessa:
Mínútur - 25,0
Stig - 9,3
Fráköst - 5,3
Stoðsendingar - 2,0
3ja stiga nýting - 35,7% (14/5)

Fyrri leikur gegn Íslandi
10 stig, 5 fráköst, 2 stoðsendingar og 2 stolnir á 23 mínútum. Hitti úr 4 af 10 skotum.

Fróðleikur
Tanya Bröring var í stóru hlutverki hjá ProBuild Lions Landslake sem varð hollenskur meistari í fyrra. Hún var þá með 13,7 stig í leik, hitti úr 39% þriggja stiga skota sinna, gaf 3,8 stoðsendingar og stal 3,3 boltum í leik.




Rinske van Schooneveld
28 ára og 177 sm framherji
Leikmaður með BV Lely í Hollandi

Tölur hennar úr Evrópukeppninni til þessa:
Mínútur - 23,7
Stig - 4,3
Fráköst - 7,0
Stolnir boltar - 1,7
Skotnýting - 55,6% (9/5)

Fyrri leikur gegn Íslandi
9 stig, 14 fráköst og 4 stolnir á 32 mínútum. Hitti úr 4 af 6 skotum og úr 1 af 2 vítum.

Fróðleikur
van Schooneveld tók 11 sóknafráköst í leiknum á móti Íslandi í fyrra en var aðeins með þrjú sóknafráköst til saman í hinum leikjunum tveimur.




Anouk Biesters
21 árs og 182 sm framherji
Leikmaður með ProBuild Lions Landslake í Hollandi
Hefur leikið með Matrixx Magixx í Hollandi.

Tölur hennar úr Evrópukeppninni til þessa:
Mínútur - 10,0
Stig - 0,7
Fráköst - 3,3
Stoðsendingar - 1,0
Skotnýting - 0% (9/0)

Fyrri leikur gegn Íslandi
2 stig, 5 fráköst og 2 stolnir á 14 mínútum. Hitti úr 0 af 6 skotum og úr 2 af 2 vítum.

Fróðleikur
Hefur leikið vel með liðinu í æfingaleikjunum og var með 10,4 stig 4,5 fráköst og 2,0 stolna bolta með ProBuild Lions Landslake sem varð hollenskur meistari á síðasta tímabili. Skoraði 9,1 stig og tók 5,4 fráköst að meðaltali með hollenska 20 árs liðinu í b-deild Evrópukeppninnar 2006.


Marloes Roetgerink
30 ára og 189 sm miðherji
Leikmaður með Den Helderí Hollandi
Hefur leikið með Goettingen í Þýskalandi, Binnenland í Hollandi og NBT Mijdrecht í Hollandi

Tölur hennar úr Evrópukeppninni til þessa:
Mínútur - 24,3
Stig - 8,7
Fráköst - 5,0
Stoðsendingar - 0,7
Skotnýting - 47,8% (23/11)

Fyrri leikur gegn Íslandi
10 stig, 4 fráköst og 5 villur á 22 mínútum. Hitti úr 4 af 9 skotum og úr 2 af 4 vítum.

Fróðleikur
Leikur með Den Helder sem komst í lokaúrslitin en var ekki með liðinu árin tvö á undan þegar liðið varð meistari. Var með 18 stig og 9 fráköst að meðaltali með NBT Mijdrecht í FIBA Europe Cup 2003.
Mótayfirlit
Mótayfirlit allra flokka
Ástþór Ingason leikmaður Njarðvíkur á níunda og tíunda áratugnum.
DómarahorniðLeiðararTölfræðiSaganViðtalið