© 2000-2017 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
20.1.2016 | 13:49 | Kristinn | FIBA
Undankeppni EM karla 2017 · Ísland í 2. styrkleikaflokki
FIBA Europe var að gefa út fyrirkomulag og styrkleikaflokkun liða í undankeppni EM karla, EuroBasket 2017, og er Ísland í 2. flokki liða styrkleikalistanns. Íslenska landsliðið hefur aldrei verið eins ofarlega á listanum.

Með Íslandi í styrkleikaflokki, og þar með lið sem geta ekki lent með okkur í riðli, eru Eistland, Holland, Úkraína, Bosnía, Ungverjaland og Svartfjallaland.
Það er því ljóst að Ísland mun leika gegn einu liði úr efsta styrkleikaflokki, einu úr þriðja flokki og mögulega einu úr fjórða og neðsta styrkleikaflokki.

Dregið verður í sjö (7) riðla, sex (6) riðla með fjórum (4) liðum og einn (1) riðil með þrem (3) liðum þar sem leikið verður heima og að heiman líkt og undanfarin ár.

27 lönd taka þátt í undankeppninni en 13 landslið hafa tryggt sig nú þegar á næsta lokamót. Það eru Spánn og Litháen auk sjö liða sem taka þátt í undankeppni ÓL2016 mótinu í sumar og þeirra landa sem eru gestgjafar á EM. Gestgjafarnir eru Finnland, Rúmenía, Ísrael og Tyrkland en þau lið sem komast í gegnum úrtökumótið eru Serbía, Frakkland, Ítalía, Tékkland, Lettland, Grikkland og Króatía.

Alls verða því 11 sæti laus á EM, sigurvegarar í sjö riðlum auk fjögurra liða með besta árangurinn í öðru sæti hvers riðils.

Drátturinn fer fram á föstudaginn kemur 22. janúar í Þýskalandi og hefst um kl. 09:30 að íslenskum tíma og stendur til að verða 12:00. Fyrst verður dregið í riðla á öllum evrópumótum yngri liða og svo verður endað á drættinum fyrir undankeppni EM. Hægt verður að fylgjast með honum beint á fibaeurope.com

Alls verða því 50 þjóðir skráðar til leiks í Evrópukeppnum karla í sumar í körfuknattleik, en 10 lið taka þátt í Smáþjóðakeppni sem er fyrir utan undankeppnina að EM en Ísland telst ekki sem smáþjóð og tekur því ekki þátt í henni.

Styrkleikaskiptingin fyrir dráttinn á föstudag:

1. styrkleikaflokkur
-------------------------
Pólland
Slóvenía
Belgía
Georgía
Rússland
Þýskaland
Makedónía

2. styrkleikaflokkur
-------------------------
Eistland
Holland
Úkraína
Bosnía
Ísland
Ungverjaland
Svartfjallaland

3. styrkleikaflokkur
-------------------------
Austurríki
Svíþjóð
Hvíta-Rússland
Sviss
Búlgaría
Bretland
Slóvakía

4. styrkleikaflokkur
-------------------------
Portgúal
Danmörk
Lúxemborg
Kýpur
Albanía
Kosovo
Mótayfirlit
Mótayfirlit allra flokka
Kristján Ágústsson og Björn Ottó Steffensen í baráttu um boltann í úrvalsdeildarleik liðanna í Seljaskóla um miðjan níunda áratuginn. Jón Örn Guðmundsson ÍR fylgist með.
DómarahorniðLeiðararTölfræðiSaganViðtalið