Úrvalsbúðir KKÍ voru haldnar um síðustu helgi. Búðirnar voru haldnar á tveimur stöðum í ár. Strákarnir voru í Seljaskóla í Breiðholti en stelpurnar voru í Smáranum í Kópavogi.

Góð mæting var á búðirnar og gengu þær vel. Allir krakkarnir sem mættu í búðirnar fengu boðsmiða á leik Íslands og Georgíu sem fór fram í gærkvöldi.

Í búðunum framkvæmdu krakkarnir ýmsar æfingar undir styrkri leiðsögn reyndra þjálfara. Benedikt Guðmundsson sá um að stýra æfingunum í Seljaskóla Ágúst Björgvinsson og Yngvi Gunnlaugsson sáu um æfingarnar í Smáranum. Þeim til aðstoðar voru margir af færustu yngri flokka þjálfurum landsins.

Mæting í úrvalsbúðirnar var mjög góð. Strákarnir voru rúmlega 120 og stúlkurnar voru í kringum 90. Krakkarnir virtust skemmta sér mjög vel en krakkarnir unnu á nokkrum stöðvum áður en farið var að spila.

Ljósmyndari KKÍ náði nokkrum myndum af spilinu í Seljaskóla.