Jakob Örn Sigurðarson hefur gefið 10 stoðsendingar í fyrstu tveimur leikjum Íslands í b-deild Evrópukeppninnar í haust og er með því kominn upp í 3. sæti á topplistanum í deildinni. Jakob hefur gefið 22 stoðsendingar í leikjunum sex sem gerir 3,7 stoðsendingar að meðaltali í leik.

Finninn Teemu Rannikko er efstur á listanum með 4,8 stoðsendingar að meðaltali og í 2. sætinu er Dzmitry Kuzmin frá Hvíta-Rússlandi sem hefur gefið einni stoðsendingu meira en Jakob. Jakob er ekki eini íslenski leikmaðurinn meðal efstu manna.

Brenton Birmingham er í 4. sæti yfir flest stig skoruð í leik og í 6. sæti yfir bestu skotnýtinguna. Það hafa líka aðeins sex leikmenn spilað meira að meðaltali í keppninni heldur en Brenton og hann kemst einnig inn á topp tíu yfir flesta stolna bolta. Hlynur Bæringsson er í 4. sæti í fráköstum og í 5. sæti í sóknarfráköstum, Logi Gunnarsson er í 8. sæti yfir flestar stoðsendingar og þá hafa aðeins fjórir leikmenn fengið fleiri villur en Friðrik Stefánsson.

Ísland leikur næst gegn Lúxemborg í Lúxemborg á laugardaginn og lokaleikur liðsins er síðan gegn Austurríksmönnum í Höllinni á miðvikudaginn kemur.

Íslenskir leikmenn meðal efstu manna
í tölfræðiþáttum b-deildar Evrópukeppninnar

Stigaskor í leik
Brenton Birmingham 4. sæti - 17,3
Logi Gunnarsson 21. sæti 12,3

Fráköst í leik
Hlynur Bæringsson 4. sæti - 9,0
Brenton Birmingham 17. sæti - 5,7

Stoðsendingar í leik
Jakob Örn Sigurðarson 3. sæti - 3,7
Logi Gunnarsson 8. sæti 2,7

Stolnir boltar í leik
Brenton Birmingham 10. sæti - 1,8
Logi Gunnarsson 20. sæti 1,5

Mínútur í leik
Brenton Birmingham 7. sæti - 32,8

Villur í leik
Friðrik Stefánsson 5. sæti - 3,8
Fannar Ólafsson 15. sæti - 3,3
Hlynur Bæringsson 15. sæti - 3,3

3ja stiga körfur í leik
Jakob Örn Sigurðarson 11. sæti - 2,0
Logi Gunnarsson 14. sæti 1,8
Brenton Birmingham 18. sæti - 1,7

Sóknarfráköst
Hlynur Bæringsson 5. sæti - 2,8
Helgi Már Magnússon 16. sæti - 1,7
Páll Axel Vilbergsson 19. sæti - 1,5

Skotnýting
Brenton Birmingham 6. sæti - 53,1%

3ja stiga skotnýting
Brenton Birmingham 14. sæti - 41,7%
Jakob Örn Sigurðarson 17. sæti - 40,0%
Páll Axel Vilbergsson 17. sæti - 40,0%

Vítanýting
Brenton Birmingham 13. sæti - 72,2%