Leikjaniðurröðun fyrir næsta tímabil er nú komin á netið. Mikil vinna hefur farið fram í sumar við skipulagningu tímabilsins og nú er hægt að skoða leikjaáætlun fyrir efstu deildir karla og kvenna á netinu.

Enn gætu orðið breytingar á þessum leikjaáætlunum og eru þær því allar í vinnslu. Áhugasamir geta þó séð grunninn að mótum næsta vetrar með því að fara í Mótayfirlitið . Í mótayfirlitnu er hægt að velja leikir félaga og sjá þar leiki hvers félags fyrir sig.

Fyrsta mót vetrarins á vegum KKÍ verður Powerade bikarkeppnin keppni hjá körlunum hefst 20. september en hjá konunum er gert ráð fyrir að keppnin hefjist 24. september.

Fyrsta umferð Iceland Express deildar karla verður 11. október næstkomandi.

Tímabilið í Iceland Express deild kvenna mun svo hefjast laugardaginn 13. október. Nú er komið á hreint að 7 lið munu leika í deildinni í vetur og það verður því leikin fjórföld umferð.

Eins og áður hefur komið fram þá gætu orðið breytingar á þessum leikjaáætlunum því enn eiga mörg félög eftir að skila athugasemdum sínum varðandi leikjaáætlanirnar. Línurnar eru þó farnar að skýrast nokkuð og það er ljóst að við getum hlakkað til skemmtilegs körfuboltatímabils.