Serbía tryggði sér um helgina Evrópumeistaratitil U-16 ára drengja þegar þeir unnu lið Spánverja í úrslitaleik 56-55.

Spánverjar, sem áttu titil að verja í þessum aldursflokki, byrjuðu leikinn betur og náðu 10 stiga forystu í fyrsta leikhluta. Serbar léku mjög vel í þriðja leikhluta og voru með tveggja stiga forystu fyrir fjórða leikhluta. Fjórði leikhlutinn var spennandi en serbar voru með þriggja stiga forystu þegar 31 sekúnda var eftir af leiknum. Þá var brotið á Spánverjum í þriggja stiga skoti en þeir nýttu 2 af þremur vítaskotum sínum og minnkuðu muninn í eitt stig. Serbar náðu svo að halda forystunni það sem eftir var af leiknum og tryggja sér sigur.

Serbar bættu þar með enn einum titlinum í safn yngri landsliða sinna. Þetta var í fyrsta sinn sem að lið Serbíu vinnur U-16 ára titilinn eftir að landið hlaut sjálfstæði. Yngri landslið Serbíu hafa verið mjög sigursæl í sumar og unnið hvern titilinn á fætur öðrum bæði hjá körlum og konum.

Besti maður Serbíu var miðherji þeirra Dejan Musli en hann skoraði 19 stig, tók 12 fráköst og varði 5 skot í leiknum. Musli var valinn besti leikmaður keppninnar en hann var með 16 stig, 12 fráköst og 5 varin skot að meðaltali í mótinu.

Úrvalslið mótsins var skipað eftirfarandi leikmönnum:

Dejan Musli, Miðherji, Serbía.
Toni Prostran, Bakvörður, Króatía.
Can M Mutaf, Bakvörður-Framherji, Tyrkland.
Nicolo Melli, Framherji, Ítalía.
Alberto Jodar, Framherji, Spánn.