Serbar urðu í gærkvöldi heimsmeistarar í körfubolta U-19 karla þegar þeir sigruðu lið Bandaríkjanna í úrslitaleiknum 74-69.

Eftir rólega byrjun náðu serbar forystunni með 7 stiga syrpu frá Dusan Katnic. Í öðrum leikhluta byrjuðu þeir mjög vel og náðu 19 stiga forystu um miðjan leikhlutan. Bandaríkjamenn svöruðu þá með 12-0 spretti og náðu að komast aftur inn í leikinn.

Þriðji leikhluti var jafn og liðin skiptust á að skora og Serbar leiddu með 10 stigum í byrjun fjórða leikhluta. Bandaríkjamenn náðu að minnka muninn í fjórða leikhluta og voru aðeins 5 stigum undir þegar 1 mínúta og 16 sekúndur voru eftir af leiknum. Þeir komust þó ekki nær og Serbar tryggðu sér heimsmeistaratitilinn.

Mladen Jeremic var stigahæstur í leiknum með 24 stig en hann lék allar 40 mínútur leiksins. Deon Thompson var stigahæstur Bandaríkjamanna með 16 stig.

Frakkar sigruðu Brasilíumenn í leik um bronsið. Lokatölur leiksins voru 75-67.