Nú er öðrum keppnisdegi lokið á Landsmóti UMFÍ. Körfuboltakeppnin var í fullum gangi í dag og er staðan í riðlunum aðeins farin að skýrast.

Hjá körlunum er lið ÍBR er í efsta sæti A-riðils eftir annan keppnisdag með 3 sigra og ekkert tap. Í B-riðli er það lið Fjölnis sem er á toppnum einnig taplausir eftir 3 leiki.

Hjá konunum er lið Keflavíkur með forystu í A-riðlinum. Þær sigruðu í dag lið ÍBR 33-36. Í B-riðli er ÍBH á toppnum en þær eru taplausar eftir 2 leiki.

Stöðuna í riðlunum og leikjaplan Landsmótsins er hægt að skoða í greinasafninu. Þar er hægt að finna aðra grein þar sem að stigaskor í leikjum á Landsmóti hefur verið tekið saman.

Keppni hefst aftur klukkan 9:00 á laugardeginum og stendur fram á kvöld. Riðlakeppnin klárast og byrjað verður að leika um sæti. Á sunnudag lýkur svo keppninni.

Það hefur verið gaman að fylgjast með körfuboltakeppninni á landsmótinu. Margir af sterkustu leikmönnum landsins eru mættir til leiks ásamt ungum og efnilegum leikmönnum sem að fá þarna dýrmæta reynslu. Einnig hefur verið áhugavert að sjá hvernig leikmenn sem skipt hafa um lið passa í nýju búningana sína.

Ókeypis er á alla leiki landsmótsins og eru allir körfuboltaáhugamenn hvattir til þess að koma við í Smáranum og fylgjast með skemmtilegum leikjum.

Myndir frá keppni föstudagsins.