Búið er að tilkynna hvaða leikmenn verða í byrjunarliðunum í stjörnuleik WNBA deildarinnar. Aðdáendur kusu byrjunarliðin í netkosningu.

Stjörnuleikur WNBA deildarinnar, sem er talin sterkasta kvennadeild heims, verður haldinn sunnudaginn 15. júlí í Washington.

Sue Bird leikmaður Seattle Storm, fékk flest atkvæði í kosningunni, 128,838. Þetta er í fimmta sinn sem hún er valin í byrjunarlið stjörnuleiksins en því miður getur hún ekki tekið þátt í leiknum í ár vegna meiðsla.

Diana Taurasi, leikmaður Phoenix Mercury og Tamika Catchings, sem leikur með Indiana Fever, voru næstar á eftir Sue Bird með rúmlega 124 þúsund atkvæði.

Liðin verða þjálfuð af Bill Laimbeer, sem þjálfar lið Detroit Shock í Austurdeildinni og Jenny Boucek, sem er þjálfari Sacramento Monarch í Vesturdeildinni.