Búið er að draga í riðla og gefa út leikjaplan í Meistaradeild Evrópu. Jón Arnór Stefánsson og félagar í Lottomatica Roma eru í C-riðli og hefja leik gegn Evrópumeisturum Panathinaikos.

Alls leika 24 lið í keppninni og skiptast þau í þrjá 8 liða riðla. Þetta er sterkasta körfuboltakeppni Evrópu og því má búast við mikið af stórleikjum í vetur. Unicaja Malaga, sem Pavel Ermolinskij leikur með, er í B-riðli og leika fyrst gegn Aris TT Bank sem að urðu í öðru sæti í Grísku deildarkeppninni á síðasta tímabili.

Jasmin Repesa, þjálfari Lottomatica Roma, sagði að þetta væri mjög erfiður riðill sem að lið hans hefði lent í. Það telst ekki auðvelt að lenda í riðli með liðum eins og Real Madrid, Barcelona og Panathinaikos.

Fyrsta umferð riðlakeppninnar verður leikin 24.-25. október og síðasta umferðin verður 30.-31. janúar.

Riðlarnir

Hægt er að lesa meira um þetta á karfan.is.