Landsmót Ungmennafélags Íslands hefst á fimmtudag. Setningarhátíðin verður klukkan 20:00 á Kópavogsvelli. Á landsmótinu verður öflug körfuboltakeppni en alls hafa 20 lið skráð sig til keppni á mótinu.

Mjög góð þátttaka er á landsmótinu en þar er keppni mjög fjölbreytt og allir ættu að finna eitthvað áhugavert. UMSK sér um að halda mótið og sendir 250 keppendur til leiks, frá HSK koma 240 keppendur. Hægt er að fá upplýsingar á heimasíðu landsmótsins.

Körfuboltakeppnin fer fram í Smáranum. 12 karlalið eru skráði til leiks og 8 kvennalið. Hjá körlunum verður keppt í tveimur 6 liða riðlum en í tveimur 4 liða riðlum hjá konunum. Fyrstu leikirnir fara fram á fimmtudaginn klukkan 14:00.

Riðlakeppninni lýkur svo á laugadeginum en þá hefst keppni um sæti og úrslitaleikirnir verða svo á sunnudaginn. Úrslitaleikur kvenna verður klukkan 11:00 og úrslitaleikur karla klukkan 12:00.

Hægt er að sjá leikjaniðurröðunina hér.