Portland Trailblazers völdu Greg Oden með fyrsta valréttinum í nýliðavali NBA deildarinnar í gærkvöldi.

Greg Oden lék með Ohio State í NCAA deildinni síðasta vetur og kom þeim alla leið í úrslitaleik háskólaboltans þar sem að þeir töpuðu fyrir Florida. Oden var með 15,7 stig, 9,6 fráköst og 3,3 varin skot að meðaltali í leik síðastliðinn vetur. Oden er talinn verða næsti yfirburða miðherji deildarinnar en margir hafa líkt honum við Patrick Ewing og Bill Russell.

Seattle Supersonics áttu annan valréttinn og notuðu hann til þess að velja Kevin Durant sem að lék með Texas háskólanum í NCAA deildinni í vetur. Durant var valinn besti leikmaður háskólaboltans eftir að hafa verið með 26 stig og 10 fráköst að meðaltali í leik. Seattle ákváðu að skipta Ray Allen til Boston Celtics fyrir 5. valréttinn, sem að var Jeff Green, Delonte West og Wally Szczerbiak.

Fleiri leikmannaskipti urðu í tengslum við nýliðavalið, Portland stóð í ströngu en þeir skiptu Zach Randolph til New York fyrir Channing Frye og Steve Francis. Þeir náðu einnig í spænska landsliðsmanninn Rudi Fernandes og finnska landsliðsmanninn Peteri Koponen en hann lék gegn Íslendingum í Laugardalshöllinni síðastliðið haust og skoraði þá 8 stig. Koponen mun væntanlega leika gegn landsliðinu aftur 25. ágúst í Finnlandi.

Allt valið