Eftir að Spánverjar urðu heimsmeistarar í körfuknattleik síðastliðið haust hafa vinsældir körfuboltans þar aukist mikið.

Skráðir iðkendur hjá Spænska körfuknattleikssambandinu, FEB, eru núna 340.855 sem er aukning um rúmlega 20.000 manns. Liðum hjá sambandinu hefur einnig fjölgað um tæplega 3000 á einu ári en þau eru núna 27.721.

Spánverjar rekja þessa fjölgun til heimsmeistaratitilsins sem að vannst í Japan og Evrópukeppni landsliða, sem að verður haldin á Spáni í september.

Spænskir leikmenn eins og Pau Gasol, Juan Carlos Navarro og Jorge Carbajosa hafa orðið mjög vinsælir um allan heim. Aukinn áhugi á körfubolta á Spáni hefur einnig komið fram í gífurlega mikilli miðasölu á Evrópukeppnina.