FIBA útnefndi í gær 20 einstaklinga í frægðarhöll sína. Þetta eru fyrstu meðlimir frægðarhallar FIBA en hún var stofnuð í mars á þessu ári.

Alþjóðlega körfuknattleikssambandið, FIBA, var stofnað 18. júní árið 1932 og varð því 75 ára í gær. Af því tilefni var ákveðið að tilkynna hverjir hefðu hlotið þann heiður að verða valdir í frægðarhöllina.

Á listanum eru leikmenn, þjálfarar, tæknilegir starfsmenn og þeir sem hafa lagt mikið til körfuboltans. Sérstök nefnd var búin til að sjá um að velja úr þeim sem tilnefndir voru í ár.

12. september næstkomandi verður, í tengslum við Evrópukeppni landsliða, haldin athöfn þar sem að frægðarhallarmeðlimirnir verða vígðir inn. Athöfnin verður í frægðarhöllinni sem að er í borginni Alcobendas á Spáni.

Frægðarhöll FIBA hefur sett á heimasíðu sína, www.halloffame.fiba.com, lista yfir alla þá sem valdir voru þetta árið ásamt upplýsingum um hvern og einn.

Leikmenn
Þjálfarar
Dómarar
Aðrir