Lið Montepaschi Siena varð ítalskur meistari í gær. Montepaschi sigraði lið VidiVici Bologna 3-0 í úrslitaeinvíginu.

Montepaschi var með besta árangurinn í ítölsku deildinni í vetur og var því með heimavallarréttindi í úrslitakeppninni. Í fyrstu umferð slógu þeir lið Tisettanta Cantù út 3-0, þeir sigruðu svo Lottomatica Roma, lið Jóns Arnórs Stefánssonar, 3-1 áður en þeir komust í úrslitin.

Bologna lék betur í byrjun leiksins í gær og leiddu í hálfleik 51-40 en Montepaschi lék mun betur í seinni hálfleik, minnkuðu muninn og náðu svo forystunni í fjórða leikhluta. Þeir sýndu svo styrk sinn og náðu að sigra leikinn 90-82.

Terrell McIntyre skoraði 22 stig og Joseph Forte skoraði 21 stig fyrir Montepaschi í leiknum. Hjá Bologna var Andrea Crosariol stigahæstur með 21 stig.

Helstu tilþrif úrslitanna.