© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
23.11.2015 | 15:40 | Kristinn | Landslið
Aðeins tvær hafa skorað meira en Gunnhildur í fyrsta EM-leiknum
Ekki margar íslenskar landsliðskonur hafa gert betur í frumraun sinni í Evrópukeppni en þær Gunnhildur Gunnarsdóttir og Sandra Lind Þrastardóttir.

Gunnhildur Gunnarsdóttir var næststigahæsti leikmaður íslenska kvennalandsliðsins í körfubolta í leiknum úti í Ungverjalandi um helgina sem var fyrsti leikur íslensku stelpnanna í undankeppni EM 2017.

Gunnhildur skoraði 12 stig í leiknum, sex stig í hvorum hálfleik. Hún var að spila sinn fyrsta EM-leik og komst í hóp með þeim sem hafa skorað flest stig í frumraun sinni í Evrópukeppni.

Gunnhildur Gunnarsdóttir hitti úr 4 af 8 skotum sínum utan af velli og setti niður bæði vítin sín. Hún var einnig með 4 fráköst og 3 stolna bolta í leiknum.

Það eru í raun bara tveir leikmenn sem hafa skorað meira en Gunnhildur í sínum fyrsta leik í Evrópukeppni.

Það er þær Helena Sverrisdóttir og Birna Valgarðsdóttir. Birna er einnig sú eina sem hefur skorað fleiri þrista en Gunnhildur í frumraun sinni í Evrópukeppni.

Helena Sverrisdóttir skoraði 25 stig í fyrsta EM-leiknum sínum sem var á móti Hollandi í Rotterdam 9. september 2006 en Birna Valgarðsdóttir skoraði 16 stig í þessum sama leik sem var fyrsti Evrópuleikur íslenska kvennalandsliðsins.

Birna skoraði þrjár þriggja stiga körfur í þessum fyrsta leik sínum en Gunnhildur skoraði tvo þrista á móti Ungverjum á laugardaginn. Tvær aðrar hafa skorað tvær þriggja stiga körfur í fyrsta EM-leiknum en það eru þær Kristrún Sigurjónsdóttir og Svava Ósk Stefánsdóttir.

Sandra Lind Þrastardóttir lék einnig sinn fyrsta leik í Evrópukeppni í Miskolc og tók í honum níu fráköst þar af sex þeirra í sókn. Tveir leikmenn hafa náð að taka fleiri fráköst í sínum fyrsta EM-leik en það eru þær Signý Hermannsdóttir (13) og Helena Sverrisdóttir (10).

Flest stig í sínum fyrsta EM-leik:
Helena Sverrisdóttir (Holland, 9.9.2006) 25 stig
Birna Valgarðsdóttir (Holland, 9.9.2006) 16 stig
Gunnhildur Gunnarsdóttir (Ungverjaland, 21.11.2015) 12 stig
Signý Hermannsdóttir (Holland, 9.9.2006) 8 stig
Kristrún Sigurjónsdóttir (Holland, 9.9.2006) 8 stig
Svava Ósk Stefánsdóttir (Holland, 1.9.2007) 6 stig
María Ben Erlingsdóttir (Holland, 9.9.2006) 2 stig
Hildur Sigurðardóttir (Holland, 9.9.2006) 2 stig
Guðrún Ósk Ámundadóttir (Slóvenía, 3.9.2008) 2 stig
Sandra Lind Þrastardóttir (Ungverjaland, 21.11.2015) 1 stig

Flest fráköst í sínum fyrsta EM-leik:
Signý Hermannsdóttir (Holland, 9.9.2006) 13 fráköst
Helena Sverrisdóttir (Holland, 9.9.2006) 10 fráköst
Sandra Lind Þrastardóttir (Ungverjaland, 21.11.2015) 9 fráköst
Kristrún Sigurjónsdóttir (Holland, 9.9.2006) 5 fráköst
Pálína Gunnlaugsdóttir (Holland, 9.9.2006) 5 fráköst
Gunnhildur Gunnarsdóttir (Ungverjaland, 21.11.2015) 4 fráköst
María Ben Erlingsdóttir Holland 9.9.2006 4 fráköst
Unnur Tara Jónsdóttir(Holland, 1.9.2007) 4 fráköst

Flestar þriggja stiga körfur í sínum fyrsta EM-leik:
Birna Valgarðsdóttir (Holland, 9.9.2006) 3 þristar
Gunnhildur Gunnarsdóttir (Ungverjaland, 21.11.2015) 2 þristar
Kristrún Sigurjónsdóttir (Holland, 9.9.2006) 2 þristar
Svava Ósk Stefánsdóttir(Holland, 1.9.2007) 2 þristar
Mótayfirlit
Mótayfirlit allra flokka
Báður Eyþórsson skeggræðir við Eggert Þór Aðalsteinsson að loknum bikarleik Snæfellinga gegn UMFN 22. janúar 2006.
DómarahorniðLeiðararTölfræðiSaganViðtalið