© 2000-2019 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
21.11.2015 | 16:00 | Kristinn | Landslið
Fyrsti landsleikur Bergþóru í landinu þar sem báðir foreldrarnir spiluðu


Bergþóra Holton Tómasdóttir spilar sinn fyrsta A-landsleik sinn í dag þegar Ísland mætir Ungverjalandi í fyrsta leik liðsins í undankeppni EM 2017. Leikurinn fer fram í Miskolc og hefst klukkan 19.15 í kvöld.

Bergþóra hefur skemmtilega tengingu til Ungverjalands þar sem hún mun á eftir spila þennan tímamótaleik á sínum körfuboltaferli.

Báðir foreldrar Bergþóru spiluðu með íslenska A-landsliðinu á sínum tíma, Tómas Holton spilaði 57 landsleiki á árunum 1985 til 1992 og Anna Björk Bjarnadóttir lék sjö leiki með ÍS frá 1987 til 1989.

Tómas og Anna Björk hafa bæði gengt fyrirliðastöðu landsliðsins þar af var Anna Björk fyrirliði í sínum fyrsta A-landsleik sem var á móti Lúxemborg 26. desember 1987.

Það er skemmtileg tilviljun að fyrsti A-landsleikur Bergþóru skuli einmitt vera í Ungverjalandi þar sem báðir foreldrar hennar spiluðu á tveimur tímabilum á árunum 1989 til 1991. Tímabilin á undan hafði Tómas spilað með Val en Anna Björk með ÍS.

Bergþóra gekk til liðs við Val í haust og spilar nú í fyrsta sinn með sama liði og faðir hennar. Tómas Holton er einn af fjórum leikjahæstu leikmönnum Vals í úrvalsdeild karla. Í raun má segja að hún leiki líka með ÍS því kvennalið ÍS sameinaðist Val fyrir nokkrum árum.

Tómas og Anna Björk fóru bæði til Ungverjalands til að læra en þau spiluðu bæði körfubolta meðfram skólanum. Tómas Holton spilaði með liðum Honvéd og háskólaliði TFSE Búdapest. Anna Björg spilaði með liðum MAFC og svo háskólaliði TFSE sem voru bæði frá Búdapest eins og lið Tómasar.

Þetta er í fyrsta sinn sem Bergþóra kemur til Ungverjalands en fjölskyldan var flutt til Noregs þegar Bergþóra kom í heiminn árið 1994.

Bergþóra er önnur tveggja nýliða íslenska liðsins í kvöld en hin er Berglind Gunnarsdóttir, systir landsliðskonunnar Gunnhildar Gunnarsdóttur.

Bergþóra er 21 árs gömul og spilar með liði Vals í Domino´s deildinni en hafði áður spilað með KR. Bergþóra er aftur á móti alin upp hjá Fjölni.
Mótayfirlit
Mótayfirlit allra flokka
Birna Valgarðsdóttir sækir að körfu Íra í landsleik þjóðanna í Reykjanesbæ 23. september 2006
DómarahorniðLeiðararTölfræðiSaganViðtalið