Íslenska kvennalandsliðið er að mæta Ungverjum í undankeppni EM á mjög óvenjulegum tíma þegar saga kvennalandsliðsins er skoðuð.

Íslensku stelpurnar spila sinn fyrsta leik í E-riðli undakeppni EM 2017 í Miskolc í Ungverjalandi 21. nóvember næstkomandi.

Þetta verður fyrsti leikur íslenska kvennalandsliðsins í nóvembermánuði frá upphafi en eftir þessa leiki liðsins á móti Ungverjalandi og Slóvakíu í nóvember á íslenska kvennalandsliðið aðeins eftir að spila landsleik í þremur af fjórum mánuðum ársins.

Íslenska kvennalandsliðið hefur, auk nóvembermánaðar, aldrei spilað A-landsleik í janúar, febrúar og mars.

Eini leikurinn í október var vináttuleikur við Dani 10. október 1990 og því mun nóvembermánuður strax hoppa upp um eitt sæti á listanum þegar stelpurnar taka á móti Slóvökum í Laugardalshöllinni miðvikudaginn 25. nóvember.

Fyrirkomulagi undankeppni Evrópumótsins hjá konunum hefur verið breytt og hér eftir fara leikirnir fara fram í landsleikjahléum inn á tímabilinu sjálfu en ekki utan keppnistímabilsins eins og áður.

Fram til þessa höfðu allir leikir íslenska kvennalandsliðsins í Evrópukeppni farið fram í ágúst (7) eða september (9).

Flestir leikir kvennalandsliðsins í einum mánuði:
Maí 36
Júní 32
Desember 25
Ágúst 19
Júlí 14
Apríl 12
September 9
Október 1