© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
19.11.2015 | 11:00 | Kristinn | Landslið
Níu stelpur hafa fengið tækifæri í byrjunarliðinu á árinu 2015
Ívar Ásgrímsson, þjálfari íslenska kvennalandsliðsins í körfubolta, hefur gefið mörgum leikmönnum tækifæri í byrjunarliðinu í sex landsleikjum lisins á árinu 2015.

Framundan eru leikir við Ungverjaland og Slóvakíu sem eru fyrstu leikir íslensku stelpnanna í undankeppni EM 2017. Íslenska liðið mætir Ungverjalandi á útivelli laugardaginn 21. nóvember og tekur síðan á móti Slóvakíu í Laugardalshöllinni fjórum dögum seinna.

Þrír leikmenn hafa byrjað alla sex landsleikina á árinu 2015 en það eru fyrirliðinn Helena Sverrisdóttir og síðan þær Gunnhildur Gunnarsdóttir og Bryndís Guðmundsdóttir sem eru í dag liðsfélagar hjá Snæfelli. Bryndís var hinsvegar Keflvíkingur þegar þessir sex leikir fóru fram.

Hin tvö sætin í byrjunarliðinu hafa síðan skipst á milli sex annarra leikmanna í  þessum sex leikjum ársins.

Miðherjinn Hildur Björg Kjartansdóttir var reyndar í byrjunarliðinu í öllum þremur landsleikjum sínum á árinu en hún var ekki með í æfingaleikjunum í Danmörku og verður ekki með í Evrópuleikjunum þar sem hún stundar nám í Bandaríkjunum.

Sigrún Sjöfn Ámundadóttir hefur verið í byrjunarliðinu í þremur leikjum eins og Hildur Björg.

Þetta er breyting frá árinu 2014 þegar Ívar var með sömu fimm leikmenn í byrjunarliði sínu í öllum sex landsleikjum þess árs.

Sex byrjunarliðsmenn frá fyrstu sex leikjum ársins eru í hópnum fyrir leikina við Ungverjaland og Slóvakíu en það eru þær Helena Sverrisdóttir, Gunnhildur Gunnarsdóttir, Bryndís Guðmundsdóttir, Sigrún Sjöfn Ámundadóttir, Ragna Margrét Brynjarsdóttir og Pálína Gunnlaugsdóttir.

Eins og má sjá hér fyrir neðan hafa ekki fleiri landsliðskonur byrjað inná á einu ári frá 2008 til 2015 en níu leikmenn fengu líka tækifærið í byrjunarliðinu árið 2008

Flestir leikir í byrjunarliði landsliðsins árið 2015:
Helena Sverrisdóttir    6
Gunnhildur Gunnarsdóttir    6
Bryndís Guðmundsdóttir    6
Sigrún Sjöfn Ámundadóttir    3
Hildur Björg Kjartansdóttir    3
Sara Rún Hinriksdóttir    2
Margrét Rósa Hálfdanardóttir    2
Ragna Margrét Brynjarsdóttir    1
Pálína Gunnlaugsdóttir    1

Fjöldi leikmanna sem hafa verið í byrjunarliði undanfarin landsliðsár:
2015 - 9
2014 - 5
2013 - 5
2012 - 6
2009 - 8
2008 - 9
Mótayfirlit
Mótayfirlit allra flokka
Leikmenn á leið á lokahóf KKÍ 1988 í gamla Broadway í Mjódd.  Ingvar Jónsson, Falur Harðarson og Albert Óskarsson.
DómarahorniðLeiðararTölfræðiSaganViðtalið