Íslenska landsliðið mætir liði San Marínó í dag klukkan 16:00 á Smáþjóðaleikunum sem fara fram í Mónakó.

Þetta er fjórði leikurinn á fjórum dögum hjá liðunum en Ísland hefur sigrað alla þrjá leiki sína til þessa og mun leika úrslitaleik gegn Kýpur á laugardaginn.

San Marínó hefur unnið einn leik á mótinu en tapað tveimur. Þeir unnu lið Mónakó en töpuðu fyrir Kýpur og Lúxemborg.

Íslenska liðið hefur unnið alla leiki sína til þessa nokkuð auðveldlega og hefur Sigurður Ingimundarson, þjálfari liðsins skipt mínútunum jafnt á milli leikmanna. Leikmenn liðsins ættu því að eiga nóga orku eftir þó að stutt sé á milli leikja.

Staðan í mótinu