Lottomatica Roma, lið Jóns Arnórs Stefánssonar tapaði fyrir Montepaschi Siena eftir þríframlengdan leik 114-108.

Staðan eftir venjulegan leiktíma var jöfn 84-84 og þurfti því að framlengja. Jón Arnór, fékk sína 5 villu í fyrstu framlengingunni og þurfti því að yfirgefa völlinn. Hann lék vel í leiknum og skoraði 6 stig á 16 mínútum.

Dejan Bodiroga átti góðan kafla fyrir Roma þegar hann skoraði 8 stig á mjög skömmum tíma og tryggði þar með aðra framlengingu. Leikurinn var hnífjafn í henni líka og því þurfti að framlengja í þriðja sinn.

Í þriðju framlengingunni voru leikmenn liðanna farnir að týnast út af með 5 villur en Montepaschi Siena náði að knýja fram sigur að lokum. Þeir eru því með 2-1 forystu í einvíginu eftir þennan magnaða leik.

Næsti leikur verður á fimmtudagskvöldið á heimavelli Roma.

Hægt er að lesa nánar um leikinn á heimasíðu KR