© 2000-2020 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
       
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
17.5.2007 | 22:28 | OOJ
Frábær sigur sextán ára strákanna á Svíum
Ægir Þór Steinarsson lék frábærlega gegn Svíum. Mynd: Snorri Örn
Annar keppnisdagur íslensku unglingalandsliðanna á Norðurlandamótinu í Solna í Svíþjóð endaði á góðu nótunum þegar 16 ára lið karla vann frábæran sigur á heimamönnum í Svíþjóð. Á sama tíma sýndu 18 ára stelpurnar mjög góðan leik á móti Finnum en urðu á endanum að sætta sig við naumt fimm stiga tap. 16 ára stelpurnar og 18 ára strákarnir töpuðu sínum leikjum fyrr í kvöld, stelpurnar með 16 stigum á móti Dönum en strákarnir með 10 stigum á móti Norðmönnum. Eftir fyrstu tvo dagana hafa 16 ára strákarnir stolið senunni og unnið báða sigra íslensku liðanna til þess á mótinu.

Sextán ára strákarnir unnu stórglæsilegan 13 stiga sigur á Svíum, 68-55, og unnu þar með leiki sína í dag með samtals 56 stigum því Norðmenn lágu með 43 stigum fyrr í dag. Strákarnir sýndu mikinn styrk með því að vinna sterkt lið Svía þegar búnir að spila 40 mínútur fyrr í dag. Benedikt Guðmundsson er greinilega kominn með spennandi lið í hendurnar og nú verður gaman að sjá hvernig gengur í næstu leikjum gegn Dönum og Finnum sem bæði hafa verið að gera góða hluti á mótinu til þessa.

Íslenska liðið var með frumkvæðið í öllum leiknum, 6 stigum yfir eftir fyrsta leikhlutann (17-11), þremur stigum yfir í hálfleik (30-27) og með eins stigs forskot, 42-41, fyrir lokaleikhlutann. Svíar komust reyndar yfir um miðja fjórða leikhlutann en strákarnir svöruðu með góðum endaspretti og unnu síðustu fimm mínúturnar 20-9. Fyrirliðinn Ægir Þór Steinarson átti frábæran leik og var allt í öllu og þá má ekki gleyma að minnast á þátt Hauks Óksarssonar sem setti niður stórar körfur í leiknum. Annars voru margir leikmenn liðsins að spila vel sem lofar góðu fyrir framhaldið.

16 ára strákar: Ísland-Svíþjóð 68-55
Stigaskorið:
Ægir Þór Steinarsson 20 (hitti úr 7 af 11 skotum, 6 stolnir, 5 stoðsendingar, 5 fráköst)
Haukur Helgi Pálsson 12 (6 fráköst)
Haukur Óskarsson 11 (3 stoðsendingar, hitti úr 3 af 7 þriggja stiga skotum)
Arnþór Guðmundsson 8 (3 stolnir)
Þorgrímur Björnsson 6 (6 fráköst)
Tómas Tómasson 6 (3 stoðsendingar)
Daði Berg Grétarsson 3
Trausti Eiríksson 2.

Íslensku stelpurnar í 18 ára liðinu bæði byrjuðu og enduðu leikinn gegn Finnum frábærlega en misstu dampinn um hann miðjan sem kostaði að Finnar voru komnir 19 stigum yfir, 44-63, þegar rúmar 8 mínútur voru eftir. Íslensku stelpurnar unnu lokamínúturnar 19-5 en endaspretturinn kom aðeins of seint og þær finnsku sluppu með 63-68 sigur. Íslensku stelpurnar komust í 9-0 og 13-3 í upphafi leiks en voru komnar fimm stigum undir í hálfleik, 34-39.

Þetta var annar leikur íslenska liðsins í dag en sá fyrri tapaðist með 14 stigum fyrir Svíum. Það er ljóst á úrslitum dagsins að íslensku stelpurnar eru búnar að taka miklum framförum frá því þær voru í 16 ára liðinu fyrir tveimur árum. Þá töpuðu þær með 40 og 39 stigum fyrir Svíum og Finnum en nú var munurinn aðeins 19 stig samtals í leikjum tveimur í dag. Þetta er því bæting um 60 stig sem er allt annað en slæmt.

18 ára stelpur: Ísland-Finnland 63-68
Stigaskorið:
Unnur Tara Jónsdóttir 14 (5 stolnir, 10 stig í fjórða leikhluta)
Margrét Kara Sturludóttir 13 (8 fráköst, 4 stolnir, 8 fiskaðar villur)
Ingibjörg Jakobsdóttir 8 (8 stoðsendingar)
Berglind Anna Magnúsdóttir 7
Jóhanna Björk Sveinsdóttir 6 (5 fráköst, 12 mínútur)
Íris Sverrisdóttir 5 (4 fráköst, 4 stoðsendingar)
Ragna Margrét Brynjarsdóttir 5 (9 fráköst, 3 varin)
Lilja Ósk Sigmarsdóttir 2 (4 fráköst)
Hafrún Hálfdánardóttir 2
Klara Guðmundsdóttir 1

Sextán ára lið kvenna tapaði með 16 stigum á móti Dönum sem höfðu fyrr um daginn unnið glæsilegan sigur á Finnum. Danska liðið er líklega á leiðinni í úrslitaleikinn og því sterkt lið hér á ferðinni. Íslensku stelpurnar léku mun betur í síðari hálfleik en þeim fyrri og unnu meðal annars þriðja leikhlutann 14-10. Guðbjörg Sverrisdóttir sprakk út í seinni hálfleik og skoraði þá 12 stig.

16 ára stelpur: Ísland-Danmörk 36-52
Stigaskorið:
Guðbjörg Sverrisdóttir 16 (11 fráköst, 6 stolnir, 2 stoðsendingar, 12 stig í seinni)
Lóa Dís Másdóttir 6 (7 fráköst, 3 stolnir, 2 stoðsendingar)
Heiðrún Kristmundsdóttir 4 (3 stolnir, 2 stoðsendingar)
María Ben Jónsdóttir 4 (3 fráköst, 7 mínútur)
Elma Jóhannsdóttir 2 (4 fráköst)
Heiðrún Hödd Jónsdóttir 2 (4 fráköst)
Salbjörg Sævarsdóttir 2 (2 varin)

18 ára strákarnir hafa ollið miklum vonbrigðum hér í Svíþjóð en þeir hafa tapað tveimur fyrstu leikjum sínum á móti Dönum og svo Norðmönnum í dag. Þetta lið fór í úrslitaleikinn fyrir tveimur árum og tapaði þá bara einum leik en í ár hefur lítið gengið upp hjá strákunum. Liðið tapaði með tíu stigum á móti Norðmönnum í dag, 58-68. Strákarnir voru staðráðnir í að bæta fyrir tapið á móti Dönum í gær en góð byrjun, þar sem þeir komust í 20-9, dugði ekki til og leikurinn rann frá þeim í fjórða leikhlutanum sem tapaðist 11-25. Með þessu tapi eru vonirnar um að komast aftur í úrslitaleikinn að engu orðnar.

18 ára strákar: Ísland-Noregur 58-68
Stigaskorið:
Þröstur Leó Jóhannsdóttir 13 (13 fráköst)
Rúnar Ingi Erlingsson 13 (4 fráköst, 3 stoðsendingar)
Elías Kristjánsson 10 (3 stoðsendingar)
Örn Sigurðarson 9 (7 fráköst)
Hjörtur Hrafn Einarsson 8 (6 fráköst)
Ari Gylfason 4
Björgvin Valentínusarson 1
Mótayfirlit
Mótayfirlit allra flokka
Björgvin Rúnarsson og Sigmundur Már Herbertsson á leið að fara dæma leik saman á Smáþjóðaleiknum á Kýpur 2009. Var þetta í fyrsta skipti sem tveir íslenskir dómarar dæma saman leik á Smáþjóðaleikunum.
DómarahorniðLeiðararTölfræðiSaganViðtalið