Í dag var tilkynnt að Dirk Nowitzki, leikmaður Dallas Mavericks, hefði verið valinn mikilvægasti leikmaður NBA deildarinnar.

Nowitzki, sem að er frá Þýskalandi, hlaut 1138 stig í kjörinu sem að íþróttafréttamenn í Bandaríkjunum og Kanada sjá um Steve Nash, leikmaður Phoenix Suns, varð í öðru sæti með 1013 stig. Nash var valinn mikilvægasti leikmaðurinn síðastliðin tvö tímabil.

Dirk Nowitzki átti frábært tímabil með Dallas Mavericks. Hann skoraði 24,6 stig og tók 8,9 fráköst að meðaltali í leik í vetur. Dallas var með besta árangurinn í deildinni en þeir sigruðu í 67 af 82 leikjum sínum á tímabilinu.

Dallas náði þrátt fyrir þetta ekki góðum árangri í úrslitakeppninni því að þeir voru slegnir út í fyrstu umferð af Golden State Warriors. Það hefur þótt dálítill álitshnekkur fyrir Nowitzki en það eru þó langflestir sammála því að hann hafi átt þennan heiður skilinn enda stórkostlegur leikmaður.

Á heimsíðu NBA deildarinnar er hægt að lesa viðtal við Dirk Nowitzki