© 2000-2024 Körfuknattleikssamband Íslands, Íþróttamiðstöðinni Laugardal, 104 Reykjavík, Sími 514-4100, Fax 514-4101, kki@kki.is
Viðburðadagatal
S M Þ M F F L
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
           
| 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
29.5.2007 | 16:11 | oddur
Körfuboltabúðir á Ásvöllum
Ágúst Björgvinsson sér um búðirnar
Ágúst Björgvinsson, þjálfari Íslandsmeistara Hauka og þjálfari ársins í 1. deild kvenna undanfarin þrjú tímabil, mun sjöunda árið í röð halda körfuboltabúðir á Íslandi.

Búðirnar í ár fara fram á Ásvöllum frá 4. til 8. júní næstkomandi en þær eru hugsaðar fyrir áhugasama körfuboltastráka og stelpur á aldrinum 12 til 18 ára sem fá hér tækifæri til þess að njóta handleiðslu Ágústar og fjölda annara færa þjálfara sem munu aðstoða hann þessa fimm daga sem búðirnar fara fram. Körfuboltabúðirnar eru á milli 17.00 og 20.30 frá mánudeginum 4. júní til föstudagsins 8. júní og verðið er 5500 krónur.

Ágúst Björgvinsson er í hópi bestu þjálfara landsins en hann hefur á þremur tímabilum farið með hið unga lið Hauka frá því að vera nýliðar í efstu deild til þess að vinna öll fimm mótin í vetur. Haukaliðið varð Íslandsmeistari annað árið í röð í vor og Ágúst var kosinn þjálfari ársins þriðja tímabilið í röð. Á þremur tímabilum hafa Haukastelpurnar unnið níu titla undir hans stjórn, tvo Íslandsmeistaratitla, tvo bikarmeistaratitla, tvo fyrirtækjabikara, tvo deildarmeistaratitla og svo einu sinni Meistarakeppni KKÍ.

Haukaliðið hefur einnig farið í Evrópukeppni síðustu tvö ár en liðið varð fyrsta íslenska kvennaliðið sem tekur þátt í henni haustið 2005. Ágúst hefur mikla reynslu af Körfuboltabúðum sem þessu en meðal búða sem hann hefur þjálfað eru í Duke University og Five Star Basketball Camp í Bandaríkjunum.

Besta körfuboltafólk landsins hefur oft nefnt að það sé aukaæfingin sem skapi meistarann og í þessum körfuboltabúðum fá framtíðarleikmenn í íslenskum körfubolta kjörið tækifæri til þess að þroska hæfileika sína á sviði einstaklingsæfinga og fá góða leiðsögn frá hæfum og reynslumiklum þjálfurum. Meðal þeirra sem koma til með að kenna og aðstoða krakkana auk Ágústar eru þeir Keith Vassell og Robert Hodgson sem báðir hafa öðlast mikla reynslu sem leikmenn og þjálfarar víðs vegar um Evrópu. Báðir þjálfuðu þeir í Iceland Express deild karla í vetur, Vassell hjá Fjölni og Hodgson hjá Þór í Þorlákshöfn.

Að venju munu aðrir virtir þjálfarar og þekktir leikmenn kíkja í heimsókn í búðirnar og það er alltaf von á góðum gestum til að hvetja krakkana áfram við æfingarnar sem ætti að auka líkurnar á að þau geti komist langt í körfuboltanum í framtíðinni. Þetta eru líka búðir fyrir alla því hópnum verður skipt upp eftir bæði aldri og getu. Körfuboltabúðir Ágústs Björgvinssonar hafa heppnast gríðarlega vel undanfarin ár og á þessum tíma hafa nokkur hundruð leikmanna, stelpur sem strákar, sótt búðirnar og líkað vel enda ekki á hverjum degi sem boðið er upp á búðir sem þessar hér á landi.

Skráning fer fram með tölvupósti á basketball@visir.is eða á fyrsta degi námskeiðisins, 4. júní, á Ásvöllum kl. 16.00 til 17.00. Það er einnig hægt að fá frekari upplýsingar og svör við fyrirspurnum á póstfangið basketball@visir.is.
Mótayfirlit
Mótayfirlit allra flokka
Fyrrum samherjarnir í Stjörnunni Nemanja Sovic og Kjartan Kjartansson. Nemanja samdi við Stjörnuna fyrir tímabilið 2008-2009 en varð að yfirgefa herbúðir þeirra í upphafi tímabilsins líkt og margir aðrir. Sovic fór aftur til Breiðabliks sem hann hafði leikið með árið áður í 1. deild, en Breiðablik fór upp um deild. Sovic og félagar í Breiðablik unnu báða leiki sína í Iceland Express-deildinni gegn erkifjendunum í Stjörnunni þetta árið.
DómarahorniðLeiðararTölfræðiSaganViðtalið