Deildarkeppninni á ítalíu lauk í gær og nú er komið á hreint hvaða lið mætast í átta liða úrslitum þar.

Jón Arnór Stefánsson og félagar í Lottomatica Roma töpuðu í gær síðasta leik sínum í deildarkeppni ítölsku deildarinnar. Roma endaði því í fjórða sæti deildarinnar og mætir Eldo Napoli í fyrstu umferð úrslitakeppninnar.

Lið Montepaschi Siena verður að teljast sigurstanglegast í úrslitakeppninni en liðið sigraði ítölsku deildarkeppnina. Þeir enduðu með 60 stig og sigruðu í 30 leikjum af 34.

Úrslitakeppnin hefst á miðvikudaginn.