Norðurlandamót unglinga fer fram í Solna í Svíþjóð 16. - 20. maí næstkomandi. Ísland sendir 4 lið til keppni í mótinu.

Óskar Ófeigur Jónsson hefur tekið saman sögu mótanna síðan 2003 og sett á heimasíðu KKÍ.

Svíþjóð hefur unnið flesta titla síðan 2003, alls 11 talsins en Ísland er í öðru sæti með 4 titla og Finnland hefur sigrað einu sinni. Bestum árangri náði Ísland 2004 þegar íslensku liðin sigruðu þrjá af fjórum mögulegum titlum. Í fyrra sigraði svo 18 ára landslið karla á mótinu.

Óskar hefur einnig tekið saman ýmsa aðra tölfræðiþætti. Má þar nefna stigahæstu leikmenn liðanna, árangur þjálfara og gengi gegn einstökum landsliðum. Í pistlinum má einnig finna leikmannahópana sem að hafa keppt á NM í Svíþjóð og hópana sem að fara í ár.