Í kvöld hefst einvígi Phoenix Suns og San Antonio Spurs. Leikurinn verður sýndur á Sýn klukkan 20:50.

Úrslitakeppnin í NBA er á fullu og er leikið daglega. Í kvöld hefst spennandi einvígi þegar 2 af allra bestu liðum NBA deildarinnar hefja leik. Phoenix Suns og San Antonio verða að teljast líkleg til afreka því má ljóst vera að þetta verður hörkueinvígi.

Detroit fór illa með hið unga og skemmtilega lið Chicago Bulls í gær en Detroit unnu öruggan sigur 95:69 og leiða 1-0. Það þarf 4 sigra til að komast áfram.

Utah Jazz náðu að komast áfram með góðum sigri á Houston Rockets og munu þeir mæta "spútník" liði úrslitakeppninnar enn sem komið er Golden State Warriors sem gerðu hið ótrúlega með að slá Dallas Mavericks út 4-2.

Í dag hefst svo einvígi New Jersey Nets og Cleveland.