Nú þegar deildarkeppninni í NBA er lokið styttist í að mikilvægasti leikmaður tímabilsins verði valinn.

Það er alltaf mikið rætt um þetta og körfuboltasérfræðingar hafa verið að velta þessu fyrir sér í allan vetur. Flestir eru á því að Dirk Nowitzki eða Steve Nash hljóti hnossið í ár en sitt sýnist þó hverjum.

Steve Nash hefur leikið frábærlega í vetur en hann hefur unnið MVP titilinn síðustu tvö ár. Verði Nash valinn í ár kemst hann í góðan félagskap en aðeins Larry Bird og Bill Russell hafa fengið viðurkenninguna 3 ár í röð. Dirk Nowitzki hefur átt mjög gott tímabil og lið hans, Dallas Mavericks, voru með besta árangurinn í deildinni í vetur. Aðrir kappar hafa verið nefndir sem verðugir kandidatar og má þar nefna Kobe Bryant, Lebron James og Dwayne Wade.

Bill Simmons hefur sett saman áhugaverðan pistil þar sem hann stiklar á stóru yfir leikmenn deildarinnar. Hann setti saman lista þar sem hann byrjar á botninum og vinnur sig upp. Þetta er skemmtileg lesning þar sem ekkert er tekið of hátíðlega.

Fyrri hluti pistilsins

Seinni hluti pistilsins