Í dag varð ljóst að karlalandsliðið okkar mun taka þátt í Smáþjóðaleikunum sem hefjast í San Marínó í lok maí. Ljónið í veginum var leikur Íslendinga og Finna í undankeppni Evrópumóts landsliða sem fram átti að fara hér á landi 2. júní. Nú hafa Finnar samþykkt að leika leikinn 22. ágúst.

Við munum því geta tekið þátt í Smáþjóðaleikunum í San Marínó 28. maí - 2. júní. Farið verður út 26. maí og leikarnir hefjast 28. maí. Leikið verður 29. maí gegn Andorra, 30. maí gegn Mónakó
og 31. maí gegn Möltu. Þann 1. júní verða undanúrslit og 2. júní verður úrslitaleikur leikanna.

Það 3. júní verður farið frá San Marínó til Sviss. Leikið þar gegn heimamönnum í undankeppni EM 6. júní. Þaðan verður svo haldið til Írlands og leikið gegn Írum 9. júní í sömu keppni.

Það er því ljóst að landsliðið verður á ferð og flugi í lok maí og byrjun júní. Ferðin mun standa yfir í 15 daga sem er með því lengsta sem þekkist í ferðum sem farið er í á vegum KKÍ.

Þess má að lokum geta að heimaleikirnir gegn Svisslendingum og Írum verða 29. ágúst og 1. september. Útileikurinn gegn Finnum verður 25. ágúst