Leikur 4 í úrslitaeinvígi Iceland Express deildar karla verður í kvöld klukkan 20:00 í DHL-Höllinni. KR er yfir í einvíginu 2-1 og geta því tryggt sér Íslandsmeistaratitilinn með sigri í kvöld.

UMFN lék vel í fyrsta leiknum og sigraði 99-78. Leikir 2 og 3 voru svo æsispennandi en KR náði að tryggja sér sigur í þeim.

Í síðustu tveimur leikjum tókst KR að komast yfir þegar lítið var eftir af leikjunum. Njarðvíkingar hafa verið að leika mjög vel þar til í lok leikjanna. Þá hefur KR tekið öll völd á vellinum, leikið hörkuvörn og skorað mikilvægar körfur.

Úrslitaeinvígið hefur verið mikið augnakonfekt. Það hefur verið ótrúlega góð stemning á leikjunum og liðin hafa boðið uppá frábæra leiki. Það má búast við frábærri skemmtun í kvöld en þeir sem að komast ekki á leikinn geta horft á hann í beinni útsendingu á Sýn.

Myndir úr leik 3.