Haukar og Keflavík mætast á Ásvöllum í kvöld klukkan 19:15. Þetta er þriðji leikur liðanna í úrslitunum um Íslandsmeistaratitilinn. Haukar leiða einvígið 2-0 og geta því tryggt sér Íslandsbikarinn í kvöld.

Haukar sigruðu fyrsta leikinn á heimavelli sínum 87-78 og annan leikinn í Keflavík 101-115. Báðir leikirnir hafa verið spennandi en Haukar náðu þó að síga fram úr á lokasprettinum. Nú er að duga eða drepast fyrir Keflavík og má búast við því að þær mæti baráttuglaðar til leiks í kvöld.