Æfingatíma hjá U16 liði kvenna hefur verið breytt. Æfing sem að átti að vera í kvöld hefur verið færð. Hún verður á morgun, miðvikudag, klukkan 19:30 - 21:00 í Smáranum, Kópavogi.

Landsliðshópurinn æfði á laugardaginn undir stjórn Yngva Gunnlaugssonar, landsliðsþjálfara. Á æfingunni voru einnig tveir gestaþjálfarar en það voru þeir Rob Hodgson og Snorri Örn Arnaldsson. Æfingin gekk vel, stelpurnar lögðu sig allar fram og sýndu mikinn baráttuhug á æfingunni.

Yngvi mun á næstunni tilkynna 12 manna hópinn en það er ljóst að það verður ekki auðvelt fyrir hann að velja úr því að í þessum hópi eru margar efnilegar stelpur.