Í kvöld klukkan 19:15 verður í Kennaraháskólanum þriðji og síðasti leikur Vals og Stjörnunar í úrslitum 1. deildar karla. Það lið sem að sigrar í kvöld tryggir sér sæti í Iceland Express deild karla á næsta tímabili.

Valsmenn sigruðu fyrsta leikinn á heimavelli 80-77 en Stjarnan náði að jafna metin í Ásgarði með góðum leik. Lokatölur í leik 2 voru 85-70. Einvígið er því jafnt, 1-1, og um hreinan úrslitaleik að ræða í kvöld.

Úrslitakeppnin í 1. deildinni hefur verið mjög skemmtileg. Það hefur verið góð mæting á leiki og mikil spenna hefur verið í einvígunum. Það má því búast við góðri skemmtun í Kennaraháskólanum í kvöld.

Hér er hægt að sjá myndir úr leik 2.