Í kvöld varð ljóst hvaða lið leika til úrslita í Lengjubikar karla en undanúrslitin fóru fram í Iðu, Selfossi nú fyrr í kvöld.

Stjarnan lagði FSu í fyrri leik kvöldsins og Þór Þ. lagði Hauka í seinni leiknum.

Það verða því Stjarnan og Þór Þ. sem leika til úrslita þetta árið en leikurinn fer fram í Iðu, Selfossi, á morgun laugardag 3. október kl. 16.30.

Úrslitaleikur kvenna fer einnig fram á sama stað og hefst hann kl. 14.00 þar sem Keflavík og Haukar mætast.

Bein útsending frá báðum leikjunum á SportTV.is og bein tölfræðilýsing verður hérna á kki.is.