Í kvöld klukkan 19:15 verður í Stykkishólmi fyrsti leikur Snæfells og Keflavíkur í átta liða úrslitum Iceland Express deildar karla.

Það er búist við miklu fjöri í Stykkishólmi enda stórleikur á ferðinni. Liðin hafa leikið marga stórleiki í gegnum tíðina, á heimasíðu Keflavíkur er hægt að finna umfjöllun um nokkra þeirra.

Heimamenn í Stykkishólmi ætla sér að bjóða uppá glæsilega sýningu í kvöld. Þeir verða meðal annars með ljósasýningu á meðan kynning á leikmönnum fer fram. Einnig verðu Tóti Teygjubyssa á staðnum og kætir áhorfendur með gjöfum úr teygjubyssunni sinni og að sjálfsögðu verður borgarskotið á sínum stað. Í þessum leik geta heppnir áhorfendur unnið sér ferð til London.

Það verður boðið uppá textalýsingu á leiknum á Stykkisholmsposturinn.is.

Hér er hægt að lesa viðtal við Hlyn Bæringsson, leikmann Snæfells.