Leikjum kvöldsins er nýlokið í Iceland Express deildum karla og kvenna. Breiðablik, UMFG og KR sigruðu leiki sína.

Breiðablik náði loksins að sigra ÍS í Iceland Express deild kvenna. Þetta var fjórði leikur liðanna í vetur og höfðu tveir þeirra verið nokkuð jafnir. Lið Breiðabliks hefur verið að bæta sig í síðustu leikjum og náði að sigra í leiknum 75-82. Victoria Crawford var stigahæst hjá Breiðablik með 41 stig.

Grindavík sigraði Keflavík 116-99 í Grindavík. Grindvíkingar eru því aðeins 2 stigum á eftir Keflavík í Iceland Express deildinni.

Á Sauðárkróki náði KR í mikilvægan útisigur gegn Tindastól 81-99. Þeir eru því komnir í annað sæti deildarinnar með tveimur stigum meira en Skallagrímur og Snæfell.