Í kvöld klukkan 19:15 verða 2 leikir í Iceland Express deild karla. KR tekur á móti Hamri/Selfoss í DHL-Höllinni og Haukar fá ÍR í heimsókn á Ásvelli.

Haukar eru í gífurlegri fallbaráttu og leggja því væntanlega allt í sölurnar til þess að knýja fram sigur. ÍR-ingar sigruðu í fyrri leik liðanna 103 -90 en þeir eru í baráttu við Hamar/Selfoss og Tindastól um sæti í úrslitakeppninni.

KR - Hamar/Selfoss er ekki síður áhugaverður leikur. Hamar/Selfoss sigraði KR í deildinni fyrr í vetur 83-69 og svo slógu þeir KR út í 8-liða úrslitum Lýsingarbikarsins 78-74. Leikurinn er mikilvægur fyrir bæði lið en með sigri komast KR-ingar upp að hlið Skallagríms í öðru sæti deildarinnar og Hamar/Selfoss er, eins og áður sagði, í mikilli baráttu um sæti í úrslitakeppninni.