Logi Gunnarsson hefur í vetur leikið með ToPo Helsinki í efstu deildinni í Finnlandi. Logi hefur þótt standa sig mjög vel þar og er á meðal stigahæstu manna í deildinni.

Logi hefur í vetur verið með 17,7 stig að meðaltali og hann er sem stendur í öðru sæti í hittum 3ja stiga skotum. Logi er ofarlega í mörgum tölfræðiþáttum deildarinnar og það er ljóst að hann er einn af sterkari leikmönnum deildarinnar.

Logi byrjaði tímabilið af krafti og skoraði 36 stig strax í öðrum leik sínum með ToPo. Nokkru síðar skoraði hann svo 37 stig í leik gegn Espoon Honka sem að eru í öðru sæti deildarinnar. Logi hefur í vetur skorað 20 stig eða meira 10 sinnum.

Hægt er að skoða tölfræði deildarinnar hér.

ToPo, liðið hans Loga er í 5. sæti deildarinnar með 22 sigra og 16 töp.

Staðan í deildinni.

Logi meiddist í læri 9. febrúar síðastliðinn og varð því að hvíla nokkra leiki en hann lék aftur á miðvikudaginn gegn Porvoon Tarmo og skoraði 15 stig ásamt því að taka 7 fráköst og senda 4 stoðsendingar. ToPo Helsinki sigraði í leiknum 73-62.