Baráttan heldur áfram í kvöld þegar 19. umferð í Iceland Express deild karla hefst með fjórum leikjum.

Á Selfossi leika Hamar/Selfoss gegn Keflvíkingum. Keflavík vann fyrri leik liðanna 81:63

Á Sauðárkróki eigast Tindastólsmenn og Snæfellingar við. Snæfell sigraði fyrri leik liðanna nokkuð örugglega á heimavelli 108:85

Í Seljaskóla tekur ÍR á móti Fjölni og má búast við fjörugum leik. ÍR vann í fyrri umferðinni í Grafarvogi 79:89

Í Grindavík koma svo Skallagrímsmenn í heimsókn. Skallagrímur vann fyrri leikinn 83:74

Allir leikirnir hefjast klukkan 19:15. Eins og staða liðanna er þá er ljóst að allir leikir sem eftir eru skipta mjög miklu máli og því um að gera að skella sér á völlinn og upplifa þá spennu sem boðið er upp á.

Í 1.deild karla er einn leikur þegar Ármann/Þróttur tekur á móti Valsmönnum í Hagaskóla klukkan 16:00