Keflavíkurstúlkur sigruðu stöllur sínar frá Ísafirði 79-67 í framlengdum leik í Keflavík fyrr í kvöld. Eftir venjulegan leiktíma var staðan 60-60. Annar leikur liðanna verður á Ísafirði á sunnudagskvöld.

Hin viðureign undanúrslita 1. deildar kvenna milli KR og ÍS hófst kl. 20 í KR-húsinu. Staðan eftir fyrsta leikhluta var 19-6 og í hálfleik 40-6!!! ÍS skoraði ekkert stig í öðrum leikhluta!!! Leiknum lauk með 79-20 sigri KR.

Á sama tíma hófst leikur Keflavíkur og Hamars í úrslitakeppni Epson-deildarinnar. Staðan í hálfleik var 47-31 fyrir Keflavík. Leiknum lauk með 103-69 sigri Keflavíkur.