Í kvöld fara fram fjórir leikir í Iceland Express deild karla og einn leikur í Iceland Express deild kvenna.

Í Hafnarfirði verður mikill slagur þegar Fjölnir kemur í heimsókn. Fjölnir sigruðu fyrri leikinn 103:94

Í Njarðvík er sannkallaður toppslagur þegar Snæfell kemur í heimsókn. Snæfell vann fyrri leik liðanna 88:70 í Stykkishólmi.

Í Þorlakshöfn taka Þórsarar á móti KR. KR sigraði fyrri leik liðanna 93:81

Á Sauðárkróki verður svo Iceland Express leikur umferðarinnar þegar Valur Ingimundarson og Axel Kárason mæta á fornar slóðir með liði sínu Skallagrím. Má búast við mikilli skemmtun, en eins og fyrr mun IcelandExpress styrkja leikinn sérstaklega með myndarlegum hætti, gjafabréf fyrir tvo fyrir heppinn áhorfanda.

Skallagrímsmenn unnu fyrri leikinn sem fram fór í Borgarnesi 93:86

Karlaleikir hefjast klukkan 19:15 en athygli er vakin á því að Haukar - Fjölnir hefst klukkan 20:00 eða strax á eftir kvennaleiknum.

Í Iceland Express deild kvenna er einn leikur á dagskrá en þá taka Haukastúlkur á móti ÍS. Síðast þegar þessi lið áttust við unnu Haukar öruggan sigur 44:96 en leikið var í íþróttahúsi kennaraháskólans.

Kvennaleikur hefst klukkan 18:00 á Ásvöllum