Í kvöld fimmtudag hefst 16.umferð Iceland Express deildar karla með fjórum leikjum.

Það er óhætt að segja að spennan sé að magnast og nú þegar liðin eiga eftir 7 leiki af deildarkeppninni er gersamlega ómögulegt að spá til um hvar liðin muni enda þegar upp er staðið.

Iceland Express deildin hefur verið frábær í vetur og ég fullyrði að fjörið er bara rétt að byrja. Það á mikið eftir að ganga á áður en yfir lýkur.

Í Stykkishólmi taka heimamenn á móti ÍR. Snæfell vann fyrri leikinn í Seljaskóla 61:74

Í Keflavík mætast Keflavík og Þór frá Þorlákshöfn. Keflvíkingar unnu mjög öruggan sigur í Þorlákshöfn 68:107

Á Sauðárkróki taka Tindastólsmenn á móti Hamri/Selfoss. Hamar/Selfoss unnu fyrri leikinn í hörkuleik 82:78

Eins og áður hefur komið fram fá öll liðin í Iceland Express deildinni 1 leik sem er svokallaður Iceland Express leikur umferðarinnar og nú er komið að Grindavík að fá slíkan leik.

Iceland Express styrkir leikinn sérstaklega með því að gefa gjafabréf sem gildir fyrir 2 á einhvern af fjölmörgum áfangastöðum þeirra.

Í Grindavík verður sannkallaður suðurnesjaslagur þegar nágrannarnir úr Njarðvík koma í heimsókn. Njarðvík unnu fyrri leikinn 76:73 í fjörugum leik.

Allir leikir hefjast klukkan 19:15