Í kvöld fara tveir leikir fram í Iceland Express deild kvenna. Á dagskrá er sannkallaður stórleikur þar sem tvö efstu liðin mætast.

Á Ásvöllum í Hafnarfirði mætast toppliðin Haukar og Keflavík og má búast við frábærum leik tveggja mjög góðra liða. Síðast þegar þessi lið mættust 17.des sl. höfðu Keflavíkurstúlkur betur í hörkuleik 92:85

Í Hveragerði er ekki síðri spennuleikurinn á dagskrá en þá taka heimastúlkur í Hamri á móti Breiðablik. Þessi lið eru á botninum með einn sigur hvort félag. Síðast þegar þessi lið mættust 17.des sl. höfðu Blikastúlkur betur 70:57 en leikið var í Smáranum.

Báðir leikir hefjast klukkan 19:15. Það eru engir leikir í Iceland Express deild karla í dag og því um að gera að skella sér á góðan leik hjá stúlkunum.